شبكة إيماننا الإسلامية | الدروس و المحاضرات
   
   
 

KITAABA
ABII SHUGAAKGA
 

Duree

Kitaabul`aqiidati wa usguulil`ahgkaam

Kitaaba xahaara`aa ( qulqulleessu`uu )
 Kitaaba heera salaataa
Kitaaba zaka`aa
Kitaaba soomana
Kitaaba hajji`iifii umra`aa
Kitaaba gurguraafii waan bira
Kitaaba dhaalafii dhaammataa

Kitaaba nikaaha ( fuudhaa )

Kitaaba balleessa`aa
Kitaaba yakkaa
Kitaaba jihaadaa ( qabso`oo )
Kitaaba al`oolafii waa gorra`uudhaa
Kitaaba wal doggomu`uu 
Kitaaba kaku`uufii qodha`aa
Kitaaba murti`iifii ragaadhaa
Kitaaba gabra bilisoomsu`uu

Hundee Nabsee Qulqulleessu'uu

 

 

 

 

 

 

 

 

kitaaba

abii shugaakha kan fiqhii shaafi`ii  

   
 

 

KITAABUL'AQDGIYAATI WASHAHAADAAT { KITAABA MURTI`IIFII RAGAADHAA}

         

Nama haala kudha shan guuttate malee , qaadii tayuun hin gayu  abbaan biyyaa isa shuumun hin gayu innilleen eehamuun hin gayu haalli kudha shanan sun hunoo kana :

1 - Islaama . 

2 - Saalfatuu .

3 - Aylii. 

4 - Bilisummaa. 

5 - Dhiirummaa ,

6 - Qajeelloo.

7 - Heera qur`aanafii heera hadiisni dhufeen  beekuu

8 - Heera ulamaan islaamaa irratti walii galaniifii , waan isaan irratti wal dhaban , beekuu , asaaba nabirraa qabee hanga zamana isatti. mas`alaa , murtii  isi`ii godhu keessatti. akka waan ijtihaanni keessatti isaaf gayuufii , waan isaaf hin geenye , adda baruuf. maalif wanni ulamaan islaamaa isa dura irratti walii galte , ijtihaada malee fudhatuu qabaa .

9 - Ammas karaa heera daliilarraa itti fudhatan beekuu .

10 - Afaan arabaa beekuu. waan afaan qur`aanatiifii, afaan hadiisaa tayeef.

11 - Tafsiira qur`aanaa beekuu .

12 - Nama dhagayu ,

13 - Kan argu ,

14 - Kan waa barreessu ,         

15 - Nama dammaqaa hayyuu tayu .

Bakkeen qaadin taa`u wal`akkaa mandaraa bakka beekkamtuu mul`attuu tayuu . kan namni bakka sanirraa nama dhoowwu hin jirre .

Murti`ii je`ee masjida keessa hin taa`u. nama masjida keessa taa`un isaaf hin geenye fa`aatu dhufaa .

Qaadin yookaa (gara beekan) baalagaaraa waa sadii keessatti wal qixxeessa. sun;

1 - Bakka teessumatti .

2 - Dubbii keessatti.

3 - Laalcha keessatti.

Hayyuun takkaa (gara beekan) nama biyya dalagaa isaa keessa jirurraa gumaata hin fudhatu gubboo fakkaataa . kun yoo nama dubbii qaadii biraa qabu taye . takkaa nama dur gumaata isaa fiduu aadaa godhate hin tayin sanuu kan hanga durirra hin ida`in . akkasuma nyaachisa isallee dhaquun hin gayu yoo nama hundaan wajji taate malee. kan akka sargi`ii . ammoo gubboo fudhatuun haraam caalla.

Qaadin yookaa ( gara beekan) bakka  kudhanitti dubbii laalee mur`urraa  fagaata , sun :

1 - Dallansuu.

2 - Beela.

3 - Dheebuu.

4 - Jaartii isaa bira gayu`uu hawwuu (shahwaan itti jabaatuu jechuudhaa)

5 - Rifachuu.

6 - Gammachuu jabduu.

7 - Dhukkuba,

8 - Hoggaa udaanifii fincaan isa mudde.

9 - Hoggaa mugaatin isa qabde.

10 - Hoggaa qabbanaafii oow`i itti jabeesse. yoo haala dubbanne kana keessatti dubbii laalee mure dubbiin isaa ni deemti .

Qaadin hanga namni waa himatu himatee fixuu nama inni himatu san waa gaafatu. akkasuma hin kaysiisu yoo namni himatu barbaade malee, baalaa gaaraa tokkolleedhaf dubbii hin qajeelchu . akkaataa dubbii itti oofatu isan garsiisu, sun haraamii. raga`atti dubbii hin jajjabeessu. waa isaanittin rakkisu akka namni ragaa tayu`urraa hin dheeysinef . kan namni akkaan itti haajamu .

Ragaan nama qajeellun isaa raggaate malee nama birarraa hin qeebalamu nama qajeelaa tayuun isaa rag-ga`uun yoo qaadin akka inni aadila yookaa qajeelaa taye beeke, takkaa namni qajeelan lama fuula qaadi`ii duratti akka inni qajeelaa taye ragaa baye. diinni yoo diina isa-rratti ragaa baye ragaan isaa hin qeebalamu . abbaan ilmaaf ragaa bayuun hin tayu . ilmi abbaadhaa ragaa bayuun hin tayu .

Qaadin biyya takkaa qaadii biyya biratti abaluu biyya tee jiru sanitti murtii akkanaatin muree dalaga`arra oolchi je`ee yoo itti barreesse yoo namni lama qaadii san duratti waan qaadichi sun muree katabe saniin ragaa baye malee wanni inni itti barreesse hin qeebalamu .

KUTAA NAMA WAA NAMA JIDDU`UTTI QOODUU

Abbaan biyyaa nama waa nama jiddu`utti qoodu godhuu yookaa shuumuu ni qaba . duuba sharxiin nama sanii torba. isiin :

1 - Islaama  

2 - Saalfatuu yookaa qaanfatuu gayuu

3 - Aylii       

4 - Bilisummaa .

5 - Dhiirummaa .

6 - Qajeellummaa.

7 - Hisaaba yookaa lakkooysa beekuu .

Ammoo namni lama yoo nama tokko yaammatanii waan akkanaa mee nu jiddu`utti qoodi je`anii jaa-latan sharxii dubbannetti hin haajamu baaligh aaqil tayuu malee

Yoo waan qoodan keessa gimmituun yookaa gateessun jiraatte namni qoodu nama lama tayu`urraa hafiinsi hin jiru .

Namni lama yoo waa walitti qabaatanii isaanirraa tokko adda qoodanna je`e, yoo waan qooduu keessa miidhan hin jirre taate inni kuun eehamuun dirqama ammoo yoo qooduu keessa dararaan jiraatte akka ( ulee) takkitti`ii gaafas hin dirqamu .

KUTAA RAGA`AA

 

Namni waa himatu yoo ragaa qabaate haakimni yookaa qaadin dhagayeeti ragaa saniin isaaf mura . yoommoo ragaa hin qabaatin namicha waa isarratti himatantu kakatee waan inni itti himaturraa qulqullaaya .  yoommoo namni waa itti himatan kakatuu dide nama him-atuutu kakatee saniin waan himatu isarraa haqa godhata .

Yoo waan harka tokkoo isaan lamaanii keessa jiru kiyya je`ee namuu himate dubbii nama wanni himatan harka isaa jirtuutu dhagayama  kakuu isaatin , yoommoo wanni sun harka isaan lamaanii keessa jiraatte .

Isaan lachuu kakataniiti wanni sun isaan jiddu`utti qoodamti .

Namni dalagaa ifirratti kakatu mureeti kakata . namni dalagaa nama birarratti kakatu yoo raggaasisuu taye mureeti kakata , yoo diduu taye  beekuu dhabu`urratti kakata . akka abalu waan san dalagee hin beeku je`uutii

KUTAA SHARXII RAGA`AA

   

Ragaan nama haala shan qaburraa malee hin qeebalamu . haalli shanan .

1 - Islaamummaa .              

2 - Saalfatuu                        

3 - Aylii

4 - Bilisummaa .                 

5 - Qajeellummaa .

Qajeelun sharxii shan qabdi . sun:

1 - Dilii (cubbuu) gurguddo`orraa matumaanuu fagaatuu . diliin guddoon tan yakki isiidhaa guddatee  qur`aanafii hadiisa keessatti dhufe kan namni isii dalage diin ifii laaffisuu beysisu . kan akka farshoo dhugu`uu . kan akka horii dhalaa nyaatu`uu . ammoo diliin xixiqqoon waan akkas hin tayini, kan akka waan laalun haraamii laalu`uu. kan akka nama islaamatiin guyyaa sadiyii ol  oodu`uu . duuba dilii xixiqqoo aadaa godhatuu dhabuu , diliin xiqqoon yoo heddommaatte guddoo taatii .

2 - Ammas kan aqiidan ,( yaanni) isaa waan isla-amaa  keessatti fayyaa qabu tayuu ,

3 - Nama hoggaa dallane if qabuu dandayu tayu

4 - Nama naamusa hiriyaa ifii eeggatu tayuu . kan waan isaan hin malle bakka takkattillee hin dalayne .

KUTAA HAQAA

Hayn`i lama. tokko kan Rabbiitii tokko kan namaati .ammoo hayn`i namaa gosa sadii ;

1 - Kan isa keessatti ragaa dhiiraa lama malee ragaan biraa hin qeebalamne. sun waan horiin tayinii. kan akka fuudhaa hiikka`aa dhaammanna`aa. kan akka waan biraa kan dhiirti arguu dandeessu .

2 - Kan isa keessatti shaahinni (ragaan) lama dhiirti, takkaa dhiira  tokkofii dhalaan lama, takkaa dhiira takkaafii kakuun nama himatuu qeebalamu. sun waan horiidhatti rarra`uu. kan akka biti`ii gurguraa, kira`aa, qabdi`ii fa`aa .

3 - Waan isa keessatti dhiirti lama takkaa dhiira tokkoofii dhalaan lama takkaa dhalaan afur qeebalamu, sun : waan irra hedduu dhiirti hin agarree kan akka fafa dhalaadha  . kan akka hoosisaa, dhalaa.

Ammoo haqa Rabbii keeessatti dhalaan hin qee-balamu , hayni Rabbii kun gosa sadii :

1 - Kan ragaa dhiira afurii malee hin qeebalamne sun zina`a . yookaa sharmuuxummaa gumnummaa .

2 - Kan ragaan lama keessatti qeebalamu .sun : waan Rabbitti balleessu`uu kan zinaa malee jiru kan akka zina`aan nama arrabsu`uu . kan akka farshoo dhugu`uu .

3 - Kan isa keessatti namni tokko qofti qeebalamu. sun:  baatii ramadaanaa yookaa soomanaa argu`uu namni tokko qofti arge je`ee ragaa bayuun ni gayaa.

Ragaan nama ijaan waan garree ( jaama`aa ) bakka shanitti malee hin dhagayamu shanan sun :

1 - Waan faca`ee namni hundi beekun mijjaayu. sun; akka abalu du'e abalu fira abaluutu - ilma isaati je'ee ragaa bayu'uu.

2 - Handhuraa. kan handhuraa nama kanaati hin je'en. sun: akka yoo namni tokko waani kun kiyyaa je`ee himate kan nam tokkolleen dura hin dhaabbatin duuba jaaman wanni kun handhureeffamaa waan namaati je'uuti. kan handhuraa abaluuti hin je'in. gaafana ragaan isaa ni qeebalama

3 - Dubbii  baalagaara`aa yookaa dubbii warra ra-gaa bayuu tarjamuu yookaa addeessuu keessatti ni qeebalama .

4 - Waan odoo ijan dhabin arge keessattis ni dhagayama .

5 - Yoo namni ragaa bayuuf akkasumaa kan ragaa itti bayu maqaafii abaabu`uun beekkamaa taye , yoo namni waa je`eenii duuba nama san qabee qaadii bira geessee waan inni je`een saniin ragaa taye ni dhagayama

Ragaan nama dantaa isaatif ragaa bayuu hin qeebalamu akka namni tokko kan nama isaa namni dhaye odoo innin du`en deemee du`e je`ee ragaa bayu`uuti gumaa fudhatu`uu jecha . ragaan nama dararaa ifirraa  deebisu`uu ragaa bayuu hin qeebalamu .

 

 

 

 

 

 

 

 

 

 

kh_rashad2004@hotmail.com