Wanni nama namatti hidhatee salaaturratti jiru jum`aakeessatti tayuu salaata biraa keessatti tayuu waan as deemu kana :

1 – Bakka dhaabbatuufii hoggaa salaata hidhatu imaama isaa dura dabruu dhabuu inumaa hidhannaa salaataa keessatti imaamatti qixxayu dhabuu yoo itti qindeeyee hidhate salaanni isaa bade ammo waan biraa keessatti imaamatti qindaayun ni jibbama yoo aamiinii taate malee ammoo isii keessatti itti qindaayun ni barbaadama ruknii dalaga`aa tan akka rukuu`aa fa`aan imaama duraa dabruun haraami .

Ammo rukni dalaga`aa lamaan imaama dura dabruun haraam tayuu wajjiin salaata balleessiti akkasuma yoo uzri`iin male`etti rukni lamaan imaamarraa booda aanis salaanni isaa ni baddi akkasuma yoo ruknii dheertuu sadiyii oliin imaama jalaa hafe salaanni isaa ni baddi odoo rakkoon jalaa hanbiftelle`ee rukniin sadii deertin rukuu`afii sujuuda lamaani .

Ammoo yoo rakko`oon yookaa uzri`iin ruknii dheertuu sadii qofaan imaama jalaa hafe salaanni isaa hin baddu namni uzriin hanbiftu kan akka nama dafee faatihaa qara`uu hin dandeenyetti kan imaamni isaa odoo inni faatihaa naannessuu biraa dabru duuba yoo faatihaa guuttatu`uuf jalaa hafe eega zamana faatiha`aa bal`atu odoo imaamni rukuu`a hin godhin wajji dhaqqabalee inni dhaabbatee faatihaa guutin isarratti waajiba duuba tanaaf jecha yoo imaama jalaa hafee odoo imaamni sujuuda lammeysa`arraa hin raw`atin  faatihaa fixee rukuu`atti seenee akkasumatti faana deema`aa imaama dhaqqabe raka`aan isaaf guutamte ammo yoo eega imaamni sujuuda lammeysa`arraa raw`atee dhaabbatee takkaa tashahhudaaf taa`ee faatihaa isaa guute gaafana rukuu`a hin godhuu imaama isaa bakka inni jirutti jala deema yoo dhaabbata keessa jiraate wajji dhaabbata yoo tashhhuda keessa jiraate wajji taa`a duuba raka`aan tun isaaf hin hisaabamtuu , eega imaamni isaa salaammatee fida

2 – Ammas sharxiin jamaa`aadhaa dalagaa imaamaa hoggaa imaamni dalagaa takarraa takkatti dabru beekhu`u arga`aan takkaa dhageyti`iin

3 – Ammas imaamafii ma`muumni bakka takkatti walitti qabamuu masjidatti takkaa dirre`etti yoo dirree keessatti walitti qabaman sharxiin imaamafii ma`muuma jidduun dhuudhuma dhibba sadiyii ol tayuu dhabuu .

4 – Ammas wanni walitti dabruu isaan dhoowu isaan jidduu jiraatuu dhabuu .

5 – Ammas salaanni isaan lamaanii gosa takka tayuutanaaf jecha namni fardii salaatuu kan akka subhiidhaa faa nama salaata janaaza`aa salaatutti hin gayu .

6 – Ammas dalagaa sunna`aa tan keessatti wal dhabuun frokkatu keessatti imaaman wal dhabuu dhiisuu sun akka tashahhuda duraa imaamni taa`ee ma`muunni dhiisu`uuti takkaa ma`muumni taa`ee imaamni dhiisu`uuti inni kun wal dhabiinsa fokkataa je`ama tanaaf jecha yoo imaamni waan akkanaa dalagee jala deemanii wajji dalaguu yoo inni dhiise wajji dhiisuu .

7 – Ammas jamaa`aa niyyatuu yoo salaanni jum`aa taate hoggaa hidhatu isaa { allaahu akbar } je`u jamaa`aa niyyata  yoo jum`aa keessatti hoggaa hidhatu hin niyyatin jamaa`an fayyaan taatu ammo salaata biraa keessatti odoo imaama jala deemuu hin jalqabin dura jalan deemaa , takkaa jamaa`aa niyyatuu . yoo odoo jamaa`aa hin niyyatin jala deeme salaanni isaa bade yoo isaa salaata keessa jiru imaama eegun dheerattes akkasi . namni salaata keessa jiru tokko yoo imaama salaata hidhatu`uu deemu wajji salaatu`uu jecha eege ni gaya , yoo eeginsi dheeratuu baatee jamaa`aa qalbi`itti niyyate

Ammoo yoo eeginsi dheerate niyyatuu baatuu salaanni bade .

Nama tokko kan isa dura dhaabbatuufii inni yoo salaata keessatti wal gaxxaman kan jamaa`aa hin niyyatin kan wal quban qabne sun hin dhibu sharxiin torbaan dubbanne sun ta ma`muumti .